Bo.2070 = KBo.IV.6

Obverse

1. nu [...]

2. ŠA DINGIR [...]

3. ki-nu-na du-[...]

4. 1 GUD.ÁB.NIGA 1 UDU.GUK[KAL ...]

5. na-at A-NA PA-NI DINGIR [...]

6. a-pu-u-un kar-tim-mi-i-ia [...]

7. nu ŠA DUMU.MUNUS GAL kar-tim-mi-i-ia [...]

8. nu-za zi-ik DINGIR^LUM a-pé-el ŠA [...]

9. ^UZUIA₃-e-et nu-za iš-pa-a-i e-eš-ḫar [...]

Single rule.

10. nu ma-a-an DINGIR^LIM EN-IA am-me-el ku-it-ki Š[A DUMU.MUNUS GAL?]

11. ḪUL-lu ša-an-ḫe-eš-ki-ši nu-ut-ta ka-a-aš-ma am-[mu-uk tar]-pa-a[l-li-in]

12. ú-nu-wa-an-da-an up-pa-aḫ-ḫu-un na-aš-kán am-mu-uk kat-ta-an SIG₅-an-za

13. pár-ku-i-ša-aš a-pa-a-aš mi-iš-ri-wa-an-za a-pa-a-aš ḫar-ki-ša-aš a-pa-a-aš

14. na-aš-kán? ḫu-u-ma-an-da-az a-ša-nu-wa-an-za nu-kán DINGIR^LIM EN-IA a-pu-u-un

15. me-na-aḫ-ḫa-an-da uš-ki nu PA-NI DINGIR^LIM EN-IA ka-a-aš MUNUS-aš ú-e-ḫa-at-ta-ru

16. A-NA DUMU.MUNUS GAL-ma-kán an-da aš-šu-li nam-ma ne-eš-ḫu-ut na-an ke-e-ez

17. GIG-za TI-nu-ut nu-uš-ši e-ni GIG a-wa-an ar-ḫa nam-ma ti-it-ta-nu-ut

18. na-aš ḫa-ad-du-le-eš-du nam-ma nu ú-iz-zi DUMU.MUNUS GAL zi-la-ti-ia

19. tu-uk DINGIR^LAM wa-al-li-iš-ki-iz-zi ŠUM-an-na tu-e-el-pát

20. ŠA DINGIR^LAM me-mi-iš-ki-iz-zi

Single rule.

21. I-NA ^URUša-mu-u-ḫa ku-wa-pí tu-uk ^dle-el-wa-ni-in ^fgaš-šu-li-ia-wi-aš

22. tu-e-el GEME₂^TUM Ù-aš a-uš-ta nu tu-uk A-NA DINGIR^LIM a-pé-e-da-aš UD.KAM^ḪI.A-aš

23. ^fgaš-šu-la-wi-aš tu-e-el GEME₂^TUM SISKUR₂ Ú-UL ku-it-ki pé-eš-ta

24. [ki]-nu-na ka-a-ša ^fgaš-šu-li-ia-wi-aš tu-e-el GEME₂^TUM iš-tar-ki-at

25. [na]-an GIG-an-za ta-ma-aš-ta-at nam-ma-aš-ši a-pa-a-at ut-tar

26. [na-a]k-ki-ia-aḫ-ta-at nu DINGIR^MEŠ-aš a-ri-ie-er na-at DINGIR^MEŠ-az-zi-ia

27. [ḫa-an-da-i]t-ta-ak ki-nu-na ka-a-ša tu-uk A-NA DINGIR^{LIM f}gaš-šu-la-wi-aš

28. [tu-e-el GEME₂^TUM A-N]A GIG še-er a-pé-e-el tar-pa-al-li-uš

29. [...]-ia IŠ-TU ^TÚGNÍĜ.LÁM^MEŠ wa-aš-ša-an-du-uš [...]

30. [...]-du-i ku-i-e-eš ḫa-an-da-an-te-eš

31. [...] up-pé-eš-ta

Single rule.

32. [...] GEME₂^TUM

33. [...]

34. [...]-aš-ta